لیکھنی کہانی -15-Oct-2023

’’کُرونا‘‘ سے ہم کو بچا یاالٰہی! پرے ہو یہ ہم سے بلا یاالٰہی ’’کُرونا‘‘ میں جو مبتلا ہیں انہیں تو کرم سے عطا کر شفا یاالٰہی ’’کُرونا‘‘سے سب لوگ گھبرا گئے ہیں تو ہمت دے اور حوصلہ یاالٰہی ’’کُرونا‘‘ ہمارا بھلا کیا بگاڑے سہارا ہے ہم کو ترا یاالٰہی ’’کُرونا‘‘کا ڈر دُور فرما کے یارب! تو کر خوف اپنا عطا یاالٰہی زباں پر ’’کُرونا کُرونا‘‘ کے بدلے ترا ذِکر ہو یاخدا یاالٰہی ’’کُرونا‘‘ کا شاہِ مدینہ کے صدقے تو دُنیا سے کر خاتمہ یاالٰہی ’’کُرونا‘‘ کے بدلے گناہوں کا ڈر دے ندامت سے ہم کو رُلا یاالٰہی ڈریں نارِ دوزخ سے اے کاش ہر دم تو جنت میں ہم کو بسا یاالٰہی گناہوں سے توبہ کی توفیق دے دے ہمیں نیک بندہ بنا یاالٰہی رہے خوف ہر دم بُرے خاتمے کا ہو ایمان پر خاتمہ یاالٰہی تو عطارؔ کو دے دے شوقِ ملاقات تو قرب اپنا کر دے عطا یاالٰہی